Lëndimi i mëparshëm nuk e lejoi të shfaqte potencialin, Donjeta beson se përvoja në LO do t’i ndihmojë për të ardhmen

01:41 | 29 Korrik 2021
A. B.

Boksierja e Kosovës, Donjeta Sadiku, ditë më parë pësoi humbje nga britanikja Caroline Depuis në kategorinë 57 – 60 kg, në kuadër të Lojërave Olimpike, ‘Tokio 2020’.

Depuis është kampione olimpike për të reja dhe finaliste e turneut kualifikues evropian për ‘Tokio 2020’, ndërsa Donjeta është zotuar se kjo përvojë do t’i ndihmojë për suksese në të ardhmen.

“Pjesëmarrja në LO ka qenë një përvojë krejt tjetër nga garat tjera. Meçi nuk shkoi si duhet, dhashë maksimumin, por edhe lëndimin që e kisha më herët në dorë u vërejt në garë”.

“Kjo përvojë e fituar do të më ndihmojë për garat e ardhshme ndërkombëtare”, ka deklaruar boksierja, citon faqja e KOK-ut.

“Donjeta ka pasur lëndim, i cili iu përsërit në raundin e parë. Lufta nuk shkoi si kemi pritur. Donjeta është e re dhe i ka para vetës edhe dy Olimpiada”, është shprehur trajneri Besim Brahimi. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm